Dansk 

1994-imi Panasonic Centeritut aallartippoq namminerisamik iluarsaasarfeqarluni. Pitsaassuseq, kiffartuussineq...aamma pisereernerup kingorna, ataqqeqatigiinnerlu pisiniarfiup toqqammavigai, taammaattumillu naammagisimaarinnittoqarluarluni.

Radiomekanikeritut ilinniarnerma affaata missaa ingerlareerlugulu takorluulerpara pilersaarusiulerlugulu nammineq suliffeqarfimmik aallatitsisinnaanera. Pilersaarutikka annikikkaluarput, ukiorlu ataaseq sinnerlugu budgeti suliarivara.

Sukkasoorujussuarmik paasinarsivoq iluarsaasarfik, tuniniaaneq, kiffartuussinerlu kisimiillunga ingerlassinnaanagit. Qaammatit pingasut qaangiummata sulisussamik siullermeerlunga sulilersitsivunga. Piffissami siullermi nal. 22:00 - 23:00 tungaanut værkstedimiittariaqartarpunga. Taamaattumik sapaatip akunneranut 40 tiimit sulisarneq malinneqanngilaq... nuannaraarali.

Iluarsaasarfittut, radionik, TV-nik, CD-nillu tuniniaaviuvoq, ineriartoqqeriaramilu angallatini elektronikkinik tunngasunik, PC-nut tunngasunik tuniniaavinngorpoq, taamaattumillu sulisut amerliartorneri malillugit sulassaqartitsiniarlunga annertusaaqqippunga. Ilaatigut assinik ersersaasarfeqalerpoq, Hårde Hvide varer, kopimaskinat, allallu allaffissornermut tunngasut tuniniarneqalerput.

Piffissani annikitsuni sulisut qulit angusarsimavai, ullumikkut aalajangersimasumik sulisut arfiniluvugut, inuusuttuaqqat atuareernerup kingorna suliartortartut marluk, kiisalu iluarsaasarfimmi ilinniartoq ataaseq.

30. juni 2004 ukiut qulit qaangiutissapput Ilulissat Radio & TV pilersinneqarmat, ukiut qulit pikkunarsimapput pissanganarlutillu.